Түркістан облысы бойынша МКД-нің ұйымдастыруымен сыбайлас жемқорлықтың алдын алу, болдырмау бағытында профилактикалық іс-шаралар және Қазақстан Республикасы мемлекеттік қызметшілерінің Әдеп кодексінің нормаларын сақтау тақырыбында Түркістан қаласы бойынша Мемлекеттік кірістер басқармасының қызметкерлерімен семинар-кездесу өтті. Оған Түркістан облысы бойынша МКД Түсіндіру жұмыс басқармасының басшысы Ә. Лесов, Адам ресурстары басқармасының Қызметтік тергеу бөлімінің бөлім басшысы, Әдеп жөніндегі уәкілі Н.Айтымбетов және ҚР Мемлекеттік қызмет істері және сыбайлас жемқорлыққа қарсы іс-қимыл Агенттігінің Түркістан облысы бойынша департаментінің сыбайлас жемқорлық профилактикасы басқармасының бас маманы Г.Төлегенқызы, Сыбайлас жемқорлыққа қарсы іс-қимыл Ұлттық бюросының Түркістан облысы бойынша Департаментінің Штаб басқармасының басшысы Ж.Аитов қатысты.
Семинарды ашқан Ә.Лесов Департаментте атқарылған жұмыстарға тоқталып өтті. Стратегиялық жоспарды іске асыру аясында Департаментте «Сыбайлас жемқорлыққа қарсы әрекеттер бойынша іс-шаралар жүргізілгенін атап өтті. Өз кезегінде департаментте сыбайлас жемқорлықпен күрес, алдын алу, профилактикалық жұмыстарды жүргізу бағытында өз құзыреті шегінде тиісті шараларды жүзеге асыруда. Департамент тарапынан сыбайлас жемқорлықтың алдын алу және болдырмау, сондай-ақ онымен күресуді қамтамасыз ету жөнінде тұрақты түрде жиналыстар мен кездесулер өткізіліп, бұл мәселе барлық аппараттық жиналыстарында да тыс қалмайтынын жеткізді.
Бұдан кейін Әдеп жөніндегі уәкілеті Н.Айтымбетов Мемлекеттік қызметшілердің Әдеп нормаларын сақтау туралы қағидаттарды атап өтіп, мемлекеттік қызметшілерінің этикалық кодексі нормаларына сәйкес келуіне, сондай-ақ мемлекеттік қызметшінің моральдық-этикалық имиджіне қойылатын талаптарды қанағаттандыруға қатысты 2018 жылы өткізілген іс-шаралар қорытындылары айтылды. Сонымен қатар еңбек тәртібін қатаң сақтау, мемлекеттік қызметкерлердің антына адал, еліне қалтқысыз етуге міндетті екенін жеткізді. Семинар соңында көтерілген тақырып бойынша қатысушылар сұрақтар қойып, оған нақты жауаптар берілді.
Түркістан облысы бойынша мемлекеттік кірістер департаменті.
