Жамбыл жайлы қайраткер тұлғалардың ой-пікірлері
Жамбыл – ақыл-ойдың алғыры, өзгеге ұқсамайтын дара, оқшау бет-бейнесімен аса зор құбылыс. Оның бір өзі әрі эпик ақын, әрі айтыс ақыны, әрі азаматтық әуеннің де ақыны.
М. О. Әуезов
академик
* * *
Жамбыл – жүз жасаған адам, соның 85 жылы ақындықпен өтті. Ол әлеуметтік және жеке өміріндегі сөзінің көбін өлеңмен сөйлеген кісі.
С. Мұқанов
академик
* * *
Жамбыл өмірге жымия қарап, сынай өскен ақын еді. Оның ойлы көздерінің түбінде, қашан да бір сықақ ұшқыны тұратын!
Ғ. Мүсірепов
академик
* * *
Жамбыл өлеңдерінің сұлулығы мен күші – оның бейнелілік (образды) сипатында.
Сұлтанғали Садырбайұлы
профессор
* * *
Батыс Альпінің жүрегінен қазақ халқының және жаңа адам баласының жыршысы, Қазақстан даласының жүрегі Жамбылға туысқандық сәлем жолдаймын.
Ромен Роллан
француз жазушысы
* * *
Жамбыл өзінің жауынгерлік жырларымен күрескерлерді жігерлендіріп келеді.
Мартин Андерсен Нексе
дат жазушысы
* * *
Жамбыл, Сізді көріп, таңғажайып жырларыңызды тыңдағанда шын бақытқа кенелдім. Сіздің жоғары шабытпен айтылған жырларыңызда біздің ұлы істеріміздің жалынды көрінісі бар.
Демьян Бедный
* * *
Жамбыл дарынының құдіреттілігі сол, ол бірден адамды өзіне тартып алады да, соңынан жетелеп жүре береді.
Қаныш Сәтбаев
академик
* * *
Жамбыл қай заманда болса да шындықты батыл айта білді. Сол үшін халқы оны жақсы көреді.
Тұрар Рысқұлов
* * *
Қазақ халқының жарық жұлдызындай ақыны Жамбылға Индия халқынан бауырластық сәлем. Ол бақытты қазақ халқының өмірін терең, толғана жырлаумен, өз заманының ұлы ақыны болып қалды.
Рабиндранат Тагор
Индия жазушысы
* * *
Жамбыл жырлары теңіз түбінде шашылып жатқан маржан сықылды. Оны жинап алып, халқының қолына беру – біздің әрқайсымыздың азаматтық борышымыз.
Сәкен Сейфуллин
* * *
Алатаудың асқақ жыршысы Жамбыл шығармаларының күштілігі: өз заманының шындығын тебірене, терең жырлауында. Сондықтан да Жамбыл өз замандастарының қай-қайсысынан да биік тұрады. Ол Алатаудың биік шыңы сықылды, әрқашан да алыстан жарқырап көрінеді.
Ораз Жандосов
* * *
Жамбыл жырлары Бұғымүйіз, Бесмойнақ жайлауларының гүліндей алуан түрлі. Қош иісі күншілік жерден аңқып тұрады. Ақын жырын тыңдаған сайын көк жайлауға шыққандай әсер аласың.
Ілияс Жансүгіров
* * *
Жамбыл қазақ халқы сияқты өте бақытты ақын. Ұлы Жамбыл сықылды ақыны бар халық – шын бақытты халық.
Фаиз Ахмат Фаиз
Пакистан ақыны
* * *
Жамбылдың туған халқының өмірін жүз жыл талмай жырлауы да ерлік.
Родригес Рамон
Кубаның мәдениет қайраткері
* * *
Біз Жамбылдың өмірі мен шығармаларына таңдана отырып, елімізге мақтана айтып барамыз. Жамбыл туған халқына қызмет етудің біздің Бельгия үшін де теңдесі жоқ үлгісі.
Гастон Стоиц
Бельгия ақыны
