Шымкент қаласының әкімі Ерлан Қуанышұлы Айтахановтың өкімімен, Қазақстан Республикасы Президенті Әкімшілігінің келісімімен қала әкімінің орынбасары лауазымына Бұхарбай Рысқұлұлы Парманов тағайындалды. Ол 1962 жылы дүниеге келген, білімі – жоғары. Еңбек жолын 1980 жылы Ленин ауданы Әлішер Науаи колхозының колхозшысы болып бастаған. Мемлекеттік қызметті 1986 жылы Кентау қалалық қаржы бөлімінің мемлекеттік кірістер инспекциясының экономисі қызметінен бастаған.
1987-2018 жылдар аралығында Ленин аудандық қаржы бөлімінің мемлекеттік кірістер экономисі, аға салық ревизоры-инспекторы, бас салық ревизоры-инспекторы қызметтерін атқарды. Сонымен қатар салық және қаржы полициясы органында және Сарыағаш ауданы әкімінің орынбасары, Сарыағаш, Төлеби аудандарының әкімі лауазымын атқарған.
2018 жылдан бүгінгі күнге дейін Шымкент қаласы Абай ауданының әкімі қызметін атқарып келген.
Шымкент қаласы әкімінің баспасөз қызметі.
