Жұмыр басты әр пенде тірлігінде мына жарық дүниеніңқызық-қуанышын көп көрсем, бала-шағамның ортасында ұзақ жүрсем дейді. Айымоңымнан туып, жұлдызым жарқырап, жайнап тұрса дейді. Әйтеуір, әрдайым осындайоңды адами тілектің жетегінде болатынымыз рас қой. Мұндай тәтті қиялың мен ой-арманыңның жолы кейде қысқарып кесіліп те қалуы ғажап емес, әртүрлі сырқатқабой алдырып, басыңа ауыр сын-сынақ түсуі де мүмкін. Сондайда шыбын жаныңа арашатүсіп, төніп тұрған тажалдың бетін қайтаратын дүниеде бір керемет кәсіп иелері бар. Олар, әрине – дәрігерлер. Дәл осындай ақ ниетті ардақты азаматтың бірі –МАЙМАҚОВ ӘНУАРБЕК ӘБДІБЕКҰЛЫ.
Әнуарбек Маймақов – Медицина ғылымдарының кандидаты, жоғары санатты дәрігер, Облыстық мәслихаттың депутаты (2002 ж.), әлеуметтік мәселелер жөніндегі комиссияның төрағасы болып абыройлы қызмет атқарған. Оңтүстік Қазақстан облысы (қазіргі Түркістан облысы), Түлкібас ауданының тумасы.
1981 жылы Алматы мемлекеттік медицина институтының педиатрия факультетін бітірген.
Еңбек жолын №2 балалар емханасының учаскелік педиатрыболып бастады. 1985 жылдан бастап № 2 балалар медициналық бірлестігіемханасының меңгерушісі, 1989 жылдан бастап № 3 медициналық бірлестіктің бас дәрігері болып жұмыс істеді. 1992 жылдан бастап облыстық денсаулық сақтаубасқармасы бастығының орынбасары, 1999 жылдан бастап Қалалық денсаулық сақтау басқармасыныңбастығы, 2001 жылдан бастап қалалық туберкулезге қарсы диспансердің басдәрігері, 2003 жылдан бастап Қалалық жұқпалы аурулар ауруханасының басдәрігері, 2007 жылдан бастап Сарыағаш ауданының медициналық бірлестігініңбастығы, 2008 жылдан бастап облыстық денсаулық сақтау департаменті бастығыныңорынбасары, кейін бастығы қызметтерін атқарды.
2009 жылдан бастап – облыстық клиникалық балалар ауруханасының бас дәрігері қызметін абыроймен атқарып, құрметті зейнеткерлікке шықты.
Бар ғұмырын медицина саласына арнаған Әнекең алыс және жақын шетелдердің жетекші клиникалары базасында өз біліктілігін арттырып, 29 ғылыми мақаланың авторы болды. ҚР халқының денсаулығын сақтауға қосқан үлесі үшін ҚР Президентінің Алғысын алды, «ҚР Тәуелсіздігіне 10 жыл», «ҚР Тәуелсіздігіне 20 жыл», «Облысқа сіңірген еңбегі үшін», «Қазақстан мәслихаттарына 20-жыл», «Астанаға 10 жыл», «Шапағат» медальдарымен және «ҚР Денсаулық сақтау ісіне қосқан үлесі үшін», «Белсенді қызметі» төсбелгілерімен, Облыстық мәслихаттың Құрмет грамотасымен марапатталған. «Ұлттық Медициналық Ассоциациясы» Республикалық қоғамдық бірлестігінің жоғары марапаты — «Алтын Дәрігер» төсбелгісінің иегері атанды.
Оңтүстік өңірінің клиникалық балалар ауруханасы жаңадан бой көтеріп, 2009 жылдан бастап, жан дүниесі кең және қабілеті зор адам Әнуарбек Әбдібекұлы Маймақов басқарған тұста, нақты өзгерістерге толы болды. Осы жылдар ішінде балалар кардиохирургиясы, эндокринология және офтальмология бөлімшелері құрылды. Аурухана төсектерінің саны 427-ге дейін өсті, 50 төсектік күндізгі стационар ашылды. 400 келушіге арналған консультативтік-диагностикалық емхана жұмыс істейді. Үш реанимациялық бөлімше жұмыс істейді: реанимация және қарқынды терапия, неонатальды реанимация, кардиореанимация. Заманауи жабдықтар, атап айтқанда, экстракорпоралдық детоксикацияға арналған «Мультифильтрат» көпфункционалды аппараты сатып алынды.
Аурухана деңгейі туралы түсінік тіпті осы жерде жасалатын операциялардың қарапайым тізімін береді: неонатальды хирургиядағы ашық жүрекке, жаңа туған нәрестелердегі жұлын грыжаларын кесу үшін нейрохирургиялық, жақ-бет аймағының туа біткен ақаулары үшін реконструктивті, кеуде қуысының веналық деформациясы үшін торакопластика. Шала туған нәрестелердің ретинопатиясын ерте анықтау бойынша да жұмыстар жүргізіліп, жаңа қажетті жабдықтар сатып алынды және скрининг жүргізілу дамыды. Ал балалардағы катаракта хирургиясы, жасанды көз бұршағының заманауи түрлерін имплантациялау балалар офтальмологиясының ажырамас бөлігі болып табылып, осы бағыттарда жемісті нәтижелерге қол жеткізілді.
Қазақстан Республикасының Балалар медицинасының тарихында еңбегі орасан болған осындай кемел азамат ағамыз ағымдағы жылдың 15 наурыз күні мерейлі 65 жасқа толып отыр. Торқалы тойымен шын жүректен құттықтаймыз! Қоғам игілігіне бағытталған ерен еңбектерінің елімізге тигізген өзіндік үлесі зор. Осынау игілікті істе қанаты талмасын, қажыр-қайрат қашан да арта бергей! Мықты денсаулық, ұзақ ғұмыр, ырыс пен ынтымақ, бақыт пен береке тілейміз! Алла отбасының, немере, шөберелерінің қызығын көруді жазсын. Шығар шыңдары әрқашан да биік болғай.
Ізгі ниетпен,
«Әділет» газеті ұжымы
