ЫНТЫМАҚ МАДИЕВ 340 МЛН. ТЕҢГЕНІ ЖЫМҚЫРДЫ ДЕГЕН КҮДІКПЕН АБАҚТЫҒА ТОҒЫТЫЛДЫ

Заң Құқық
1 215 Views

ЫНТЫМАҚ МАДИЕВ 340 МЛН. ТЕҢГЕНІ ЖЫМҚЫРДЫ ДЕГЕН КҮДІКПЕН АБАҚТЫҒА ТОҒЫТЫЛДЫ

Шиелі аудандық білім бөлімі басшысы қызметін соңғы уақытта Ынтымақ Мадиев атқарып жүр еді… Иә, иә бұрын Шымкент қалалық білім бөлімін басқарып еді ғой.

Аса ірі көлемде бюджет қаржысын жымқыру фактісі бойынша Шиелі аудандық білім бөлімінің басшысы мен оның қарамағындағы тағы 2 қызметкер қамауға алынды. Қызылорда облысы бойынша сыбайлас жемқорлыққа қарсы іс-қимыл департаментінің мәліметіне сәйкес күдіктілер 340 млн. теңгені қолды қылған. Өкілетті басқарма мамандары пандемия уақытын пайдаланып, өздерінің қитұрқы әрекеттерін жүзеге асырған деген болжам бар.

Бүгінде аталған дерек бойынша тергеп-тексеру амалдары жүргізілуде.

Бұл туралы Қызылорда облысы бойынша сыбайлас жемқорлыққа қарсы іс-қимыл департаменті басшысының орынбасары Руслан Ягмусов:

«Былтыр пандемия кезінде сәуір-қараша айлары арасында мектеп оқушыларын жазғы лагерлерге орналастыру, оларды ыстық тамақпен қамтамасыз етілді деген желеумен 340 миллионнан астам теңгені жымқыру дерегімен тергеп-тексеру жүргізілуде. Бүгінгі таңда бөлім басшысы, сектер меңгерушісі және есепшісі ұсталып, қамауға алынды»,- деді.

Тергеу мүддесіндегі басқа ақпарат жария етуге жатпайды.

Добавить комментарий

Ваш e-mail не будет опубликован. Обязательные поля помечены *