4 ПАЙЫЗБЕН КӨЛІК АЛУ

Қоғам
5 299 Views

ҚАЙ БАНК ҚАНДАЙ ТАЛАП ҚОЯДЫ?

Жақын айларда елімізде 4 пайызбен жеңіл автокөліктінесиелеу бағдарламасы басталады. Автонесиені қаржыландыру үшін Қазақстанның даму банкі екінші деңгейлі банктерге 20 миллиард теңге көлемінде қаржы бөлді. Биылғы бағдарлама сәуір-мамыр айларында қосылады деп күтілуде.

Жеңілдетілген пайызбен автокөлік алудың талаптары қандай, осы жөнінде мәлімет бере кетейік.

Белгілі болғаны — көлік құны 10 миллион теңгеден аспауы тиіс. Бағдарлама арқылы көлік алуға өтініш берушінің жасы 21-ден кем болмауы керек. Ал қарыз мерзімі аяқталған кездегі жасы 68-ден асып кетпеуі шарт.

Жоба бойынша, жеңілдетілген пайызбен тек отандық жеңіл автокөлік алуға рұқсат етілген. Жоғарыда айтқанымыздай, жылдық сыйақы мөлшерлемесі жылына 4 пайыз. Несиені 5 немесе 7 жылға рәсімдей аласыз.

Банктер қандай шарттар ұсынады?

Отандық жеңіл автокөлікті несиелеу бағдарламасын екінші деңгейлі банктер әртүрлі пайызбен ұсынады. Мысалы, «Халық банктен» автонесие алатын болсаңыз, автокөліктің шекті құны 15 000 000 теңгеден көп болмауы керек.

Жалақысын осы банк картасы арқылы алатын азаматтар құны 5 000 000 теңгеге дейінгі көлікті бастапқы жарнасыз ала алады. Ал басқа клиенттер үшін 20 пайыздан бастап беріледі.

Құжаттар тізімі: өтініш иесінің және қосарлы заемшының (ол қатысқан жағдайда) жеке куәлігі.

«Сбербанкте» берілетін несиенің максималды сомасы – 13 500 000 теңге. Бастапқы жарна 10 пайыздан басталады. Қажетті құжат – жеке куәлік қана.

«Банк ЦентрКредит» АҚ жаңа автомобиль сатып алу бойынша ең жоғары сома ұсынып отырған бірегей банк: 25 миллион теңге. Бастапқы жарнасы 10 пайыздан басталады. Банктің ресми сайтында «Клиент қолданыстағы автокөлігін бастапқы жарна ретінде бере алады. Автосалон банкке қолданыстағы автокөліктің бастапқы жарнаны төлеу ретінде берілгенін құжат жүзінде растайды» деп көрсетілген.

«Центркредит» банкінің басқалардан тағы бір ерекшелігі – қосымша комиссия бар. Қарызды төлеу мерзімі кешіккен жағдайда қарыз сомасының 2 пайызы қосыла есептеледі.

«ВТБ» банктің көпшілікке ұсынатын несие сомасы – 2 250 000 теңге мен 13 500 000 теңге аралығында. Бастапқы жарнасы 10 пайыздан басталады. Несие мерзімі – 84 айға дейін.

4 пайызбен автокөлік несиесін алғысы келетін «Forte Bank «клиенттері үшін бастапқы жарна 5 пайыздан басталады. Несие сомасы – 1 млн теңгеден 15 млн теңгеге дейін.

«Eurasian Bank»-тің бастапқы жарнасы 10 пайыздан басталады. Несие бергені үшін комиссия ұсталынбайды. Несие сомасы – 450 мың теңгеден 13 500 000 теңгеге дейін. Сақтандыру және автотранспортты кепілге қоюды рәсімдеу бойынша шығындарды клиент өзі төлейді.

Несие бағдарламасы бойынша сатып алуға болатын көліктер тізімі:

KIA – Ceed, Cerato, Optima, Picanto, Rio, Sorento, Soul, Sportage, Stinger, Seltos;

Škoda – Octavia, Rapid, Superb, Kodiaq;

Hyundai – Accent, Creta, Tucson, Elantra, Sonata, Santa Fe;

Chevrolet – Damas DLX, Nexia, Cobalt, Malibu, Trailblazer, Equinox, Tracker, Niva;

LADA – LADA 4*4 21310, Granta, XRay, Vesta, Largus, 4*4 21214;

УАЗ – 220695-04, Patriot, Hunter, 390995, 374195-05;

Ravon – Nexia R3;

JAC – S3, S5, S7, J7.

Автонесиге қалай өтінім беруге болады?

Қазірден бастап бұл бағдарламаға өтініш бере аласыз. Ол үшін жоғарыда аталған екінші деңгейлі кез келген банк бөлімшесіне бару қажет. Өзіңізбен бірге жеке куәлігіңізді алып алғаныңыз жөн. Банк сіздің өтінішіңізді үш жұмыс күні ішінде қарап, бағдарлама талабы бойынша төлем қабілетіңізді анықтайды. Егер банк талабына сай келіп тұрсаңыз, өтінішіңізді қабылдап, автонесиеге кезекке тұрасыз.

Егер банкке баруға мүмкіндігіңіз болмаса, үйден шықпай-ақ «Сбербанк», «Фортебанк» және «Еуразия банктың» ресми сайтын кіріп, онлайн өтінім беруіңізге болады.

Бағдарламаның жасаушылар клиенттерге ың-ғайлы болу үшін биылдан бастап банктегі кезегі-ңізді онлайн қарап отыру мүмкіндігін қосты. Ол үшін өтініш берген банктің ресми сайтына кіріп, ЖСН нөмірі арқылы кезекте нешінші тұрғаныңызды бақылай аласыз. Қазірше бұл мүмкіндікті «Халық банк», «Сбербанк» және «ВТБ банк» арқы-лы өтініш бергендер ғана пайдалана алатынын айта кеткен жөн. Жеңілдетілген автонесие алуға берілген кредиттік өтініштердің берілуіне байланысты электронды кезек жаңартылып отырады.

Добавить комментарий

Ваш e-mail не будет опубликован. Обязательные поля помечены *